Ekskurso: bierfarejo Maryensztadt

Antaŭ kelkaj tagoj mi partoprenis ekskurson organizitan de la Pola Asocio de Hejmaj Bierfaristoj (PSPD) dum kiu ni vizitis du bierfarejojn: konzernan Warka en Warka kaj metiejan Maryensztadt en Zwoleń. Unue mi ŝatus rakonti pri la dua :)

Maryensztadt estas nova bierfarejo, kiu kreiĝis en la lastaj monatoj. La posedantoj planis malfermi ĝin en Varsovio en ĉirkaŭaĵo Mariensztat, sed tio evidentiĝis ne tuj farebla pro burokratiaj kialoj. Por ne atendi unu jaron ili decidis tuj krei la bierfarejon aliloke — en Zwoleń, ĉirkaŭ 100 kilometrojn sude de Varsovio. En la planita loko en Varsovio poste malfermiĝos restoracio apartenanta al la bierfarejo.

La bierfarejon montris al ni Jakub Piesio, ĉefa bierfaristo de Maryensztadt. La koro de la farejo konsistas el dekoktujo kaj filtrujo, kiuj povas prilabori 1100 litojn (11 hl). Sekve la dekoktaĵo fluas al unu el 12 fermentujoj kun kapacito de 20 hektolitroj, kie la biero fermentas kaj maturiĝas. Rekte el tiuj fermentujoj ni havis okazon provi tri bonngustajn bierojn: Sweet Sixteen en la stilo milk stout, pollupolan helan elon — Polish Hop(e) kaj pilsan — Czeska 11. La unuan el ili mi aĉetis ankaŭ enbotele, do poste mi skribos pri ĝi pli detale. Mi aĉetis ankaŭ sekalan Mi to żyto kaj helan belgstilan Belgijska Blondynka, do verŝajne ankaŭ tiuj ricevos miajn recenzojn. Konante tiujn tri jam provitajn, mi tre antaŭĝojas tiujn gustumadojn. Kaj por la fino ankoraŭ kelkaj fotoj de la bierfarejo Maryensztadt en Zwoleń.

Advertisements

2 comments

  1. Pradip Ghimire · Februaro 12, 2016

    Ah interese legi. Ankaŭ mi estas amanto de biero.

    Ŝato

  2. Resonado: Rekte el fermentujo | Sweet Sixteen (Maryensztadt) | bieroj

Respondi

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Ŝanĝi )

Google+ photo

You are commenting using your Google+ account. Log Out /  Ŝanĝi )

Twitter picture

You are commenting using your Twitter account. Log Out /  Ŝanĝi )

Facebook photo

You are commenting using your Facebook account. Log Out /  Ŝanĝi )

w

Connecting to %s