Irlandzki Ciemne (Krajan)

La hodiaŭa biero estas Irlandzki Ciemne de bierfarejo Krajan. Irlandzkie Ciemne, do irlanda malhela, sed kion fakte tio signifas? Unuavice mi pensus pri stout, sed ja ĝi ne estas stout – eble malhela lager kun karamelo. Ligo de ĉi tiu biero kun irlando restas por mi dubinda. Se legas tion iu irlandano, bv (mal)konfirmi, ĉu tiastila biero tipas vialande.

Verŝinte en la glason aperis alta, helbruna ŝaŭmo, sed ĝi rapide malaperis. La biero havas malhelrubenan koloron (en la fotoj povas aspekti kiel nigra, sed reale ne estas tia) kaj estas klara. Aromo apenaŭas, sed en gusto jam pli multo troveblas – ĉefe karamelo, eble ĉokolado, eble brulita panhaŭto. Ĝenerale la biero estas dolĉa, sed en neĝena kvanto. Mi pensas, ke tian bieron eblus fari pli bone – ĉefe se anstatŭ tiom da karamelo, ĝi ricevus pli da malhelaj maltoj. Tamen ja ĝi daŭre ne malbonas. Resume, leĝera iom dolĉa biero, kiu ne donos multajn aromajn aŭ gustajn impresojn, sed por simpla trinkado enordas. Prezo – 4,99 PLN (1,19€) en loka vendejo.

Nomo Irlandzke Ciemne
Stilo mankas informo, eble Dark Lager?
Lando Pollando
Bierfarejo Krajan www fb
Alkoholenhavo 6,0% volumene
Ekstrakto 14,0% peze
Temperaturo de servado eble bonus ĉirkaŭ 8 – 9°? ĝi ne aparte perdas ion, se estas malvarma
Uzitaj maltoj certe enestas hordeaj, aliaj ne menciatis
Uzitaj lupoloj mankas informo
Uzitaj gistoj mankas informo
Aldonaĵoj
IBU mankas informo

Ĉu plaĉas al vi, kiel mi blogas pri bieroj? Aĉetu bieron por mi! :)

Advertisements

Czarna Dziura (Pinta)

Czarna Dziura signifas nigran truon. Ĝi estas nomo de la biero el bierfarejo kontrakta Pinta. Unue pri la aspekto, kiu estas bonega. La biero havas tute nigran koloron kaj bruna ŝaŭma ĉapo sur ĝi estas abuda, etera kaj longrestanta. Ankaŭ la etikedo laŭ mi estas tre bela.

En aromo kaj gusto de la biero senteblas malhela pano kaj bruligitaj maltoj. Lupolaj aromoj apenaŭas, sed tamen ĝi estas amareca. Por mi la gusto iom tro malplenas, la biero estas tro akveca. Tamen aliflanke, tio ŝajnas esti taŭga por la stilo – Dark LagerSchwarzbier, do mi supozas, ke tiel devis esti. Pli multe pri ĝi fakte mi ne vere emas skribi, ĉar mi ne rekomendus, krom se iu simple volas ekkoni ecojn de la stilo. Ĝi estas biero kutima kaj faciltrinkebla, sed laŭ mi tro enua.

Nomo Czarna Dziura
Stilo Dark Lager aŭ Schwarzbier
Lando Pollando
Bierfarejo Pinta www fb
Alkoholenhavo 4,5% volumene
Ekstrakto 11,5% peze
Temperaturo de servado 8 – 9°
Uzitaj maltoj maltoj Weyermann®: pilznena, munkena (II), Carafa® (III) Special, malta koloriga ekstrakto Sinamar®
Uzitaj lupoloj Tradition (DE), Spalt Select (DE)
Uzitaj gistoj Saflager W 34/70
Aldonaĵoj
IBU mankas informo

PS. Pardonu fotokvaliton – ĉi-foje nur poŝtelefono.

Ĉu plaĉas al vi, kiel mi blogas pri bieroj? Aĉetu bieron por mi! :)